Linapokuja swala la kutafuta ajira nchini Tanzania ni wazi kuwa vipo vyanzo vingi sana vya kuaminika vya kusaidia kupata ajira nchini. Lakini pia, katika vyanzo hivyo vipo vyanzo vingine ni muhimu kuwa makini kutokana na kuwepo kwa ajira nyingi za uongo au zisizo aminika.
Kupitia makala hii nitaenda kukutajia tovuti bora za ajira nchini Tanzania huku pia nikikupa baadhi ya ishara za muhimu za kuangalia kabla ya kutuma maombi kwenye baadhi ya ajira ambazo pengine zinaweza kuwa za udanganyifu.
TABLE OF CONTENTS
Ajira Portal
Ajira Portal ni moja kati ya tovuti muhimu kwa watafutaji wa ajira Tanzania kwa kuwa inakupa nafasi ya kutafuta ajira serikalini kwa urahisi na haraka. Tovuti hii ni muhimu kwa watafutaji wote wa ajira, wahitimu wa vyuo na hata wanao tazimia kufanya kazi za umma nchini Tanzania.
Zoom Tanzania
Zoom Tanzania ni moja ya tovuti bora za ajira binafsi kuliko tovuti nyingine nyingi kwa hapa Tanzania. Ubora wa tovuti hii unakuja kutokana na mpangilio wa ajira, na upatikanaji wa ajira mbalimbali. Tofauti na tovuti nyingi za ajira hapa Tanzania, binafsi yangu hii ni tovuti bora ya ajira kwa sasa hapa Tanzania.
Hii ni kwa sababu upatikanaji wa ajira uko wazi kwa kuonyesha muda wa kutuma maombi, huku pia ukiona kama muda wa kutuma maombi umeisha hivyo kuonyesha utofauti wa ajira mpya na ajira za zamani. Mbali na hayo matangazo ya ajira hayarudiwi hivyo kuweka urahisi wa kupata ajira mpya kila wakati
Zoom Tanzania inakuja na uwezo wa kampuni kutangaza ajira binafisi na hata watafutaji ajira kutengeneza kurasa zao kwa ajili ya kutafuta ajira kwa urahisi kitu ambacho hakipo kwenye tovuti nyingi hapa Tanzania.
Tanzajobs
Tovuti nyingine ambayo pengine ni tovuti bora ya kutafuta ajira kwa hapa Tanzania ni Tanzajob.
Tovuti hii ni bora kwa kuwa inakupa uwezo wa kupata ajira kwa urahisi kulingana na aina ya ajira unayo tafuta hapa Tanzania. Tovuti hii pia inaruhusu watafutaji ajira kutengeneza kurasa maalum, pamoja na waajiri kutangaza ajira moja kwa moja.
Mabumbe
Tovuti hii ni moja kati ya tovuti maarufu hapa Tanzania lakini ipo namba tatu kutokana na ugumu wa kupata ajira mpya kwa haraka hasa kwa watumiaji wapya.
Kupitia mabumbe utajikuta ukisoma matangazo ya ajira yanayo jirudia kila wakati hivyo kama wewe ni mgeni basi utajikuta ukishindwa kupata ajira mpya au kusoma matangazo yanayo jirudia kila wakati kutokana na kuwepo kwa matangazo mengi ya zamani na mengine yanayo jirudia kila mara hata kama ni ajira mpya.
Pia tovuti hii inakuja na mchanganyiko wa mambo mbalimbali kama muziki, makala za maisha ya watu maarufu na mambo mengine ambayo pengine yanaweza kuchanga watumiaji wapya hasa wale ambao hawajui kuwa tovuti hii ina mchanganyiko wa makala mbalimbali.
Ajira Yako
Ajira yako ni moja ya tovuti ambayo inafanana kwa kiasi fulani na tovuti ya mabumbe kutokana na kufanana kwa muundo na hata mpangilio wa ajira.
Kitu cha tofauti kati ya mabumbe na ajira yako, ajira yako ni tovuti ya ajira pekee huku ikiwa na mchanganyiko kidogo wa makala ambazo zipo nje ya lengo la tovuti.
Mambo ya Kuzingatia Kuepuka Ajira za Uongo
Pamoja na kuwepo kwa tovuti nyingi zenye kutangaza ajira za ukweli lakini kwa bahati mbaya zipo baadhi ya ajira ambazo sio za kweli au zina lengo la udanganyifu. ili kujua baadhi ya ajira hizi ni vyema kuzingatia mambo haya na pamoja na umakini binafsi.
Barua Pepe ya Kutuma Maombi
Mara nyingi kampuni zinazo tafuta wafanyakazi hutumia barua pepe ya tovuti ya kampuni kupokea maombi na sio barua pepe za ujumla kama gmail, yahoo, hotmail na nyingine. Japokuwa sio kampuni zote hutumia barua pepe hizo zenye domain ya jina la kampuni lakini ni muhimu kwa makini sana na kampuni zinazo tumia email yenye domain za barua pepe za bure.
Maelezo Machache Kuhusu Kampuni
Kama kwa namna yoyote umeona kampuni inayotaka kutoa ajira haina maelezo ya kutosha au haipatikani mtandaoni basi ni wazi moja kwa moja kampuni hiyo huwenda iwa sio kampuni ya ukweli. Mara nyingi kampuni nyingi zinazo tafuta wafanyakazi nyingi zinajulikana hasa pale unapo tafuta jina la kampuni husika kupitia mtandao.
Maelezo ya Kazi Yana kuitaji Kupiga Simu
Japo kuwa, zipo baadhi ya kazi ambazo ni lazima kupiga simu ili kupata maelezo kamili, lakini ni vyema kuwa makini kwani kampuni nyingi maarufu hazitoi namba za simu ili kufanya maombi ya ajira bali kutoa namba za simu ili kuripoti swala lolote la udanganyifu. Hivyo ukiona kampuni inahitaji kupiga simu ili kupata maelezo kamili kuhusu ajira hiyo basi ni vyema kuwa makini zaidi.
Kulipa Pesa Ili Kupata Kazi au Kukamilisha Usajili
Kazi nyingi ambazo ni halali hazihitaji malipo yoyote ili uweze kupata kazi hiyo, kazi nyingi kutangazwa kwa usawa na bila malipo yoyote. Kama ikitokea ume tuma maombi na ukatakiwa kufanya malipo ili kukamilisha usajili wa namna yoyote basi fahamu kuwa inawezekana kwa asilimia 100% kazi hiyo sio halali au ni scam.
Hitimisho
Kama unatafuta ajira hapa nchini Tanzania basi ni vyema kutumia Tovuti ya ajira portal ya serikali kama unatafuta ajira za utumishi wa umma, au tumia Zoom Tanzania kutafuta ajira binafsi na za utumishi wa umma. au unaweza kutumia ajira yako au mabumbe kutafuta ajira mbalimbali hasa kama wewe ni mtumiaji wa tovuti hizi wa zamani.
