Kama umekuwa mfuatiliaji wa tovuti ya Tanzania Tech nadhani unajua kuwa app ya Tanzania Tech ni moja kati ya apps muhimu za mwanzo zinazohusiana na maswala ya Teknolojia.
App yetu imekuwa kwenye soko la play store kwa muda mrefu bila maboresho makubwa ambayo yanaendana na ulimwengu wa sasa wa teknolojia.
Kuliona hili leo natangaza kwenu toleo jipya la app ya Tanzania Tech, toleo hili inakuja na maboresho mengi sana ambayo natumaini wengi wenu mtaweza kufurahia.
Kwa kuanza na muonekano app ya Tanzania Tech sasa ni rahisi kutumia na inakupa uwezo wa kufanya kila kitu kwa urahisi.
Kwa sasa utaweza kuona habari na makala mpya mwanzo unapo fungua app, pia unaweza kuona bei za simu, kompyuta na vifaa mbalimbali kadri vinapoendelea kutoka.
Pia mbali ya kuonyesha sifa na bei za bidhaa hizo mbalimbali pia utaweza kuona, mahali unapoweza kununua bidhaa hizo kwa urahisi na haraka kutoka kwa mawakala walio dhibitishwa.
Mawakala wote wamethibitishwa na unaweza kupata bidhaa hizi moja kwa moja kupitia wao.
Mbali ya hayo utaweza kulinganisha sifa pamoja na bei za bidhaa zote kwa urahisi na haraka, ili kujua bidhaa gani yenye sifa bora na yenye kukidhi mahitaji yako.
Unaweza kulinganisha bidhaa zote kwa kuchagua sehemu ya compare, au unaweza kuangalia bidhaa ambazo tayari zimesha linganishwa.
Mbali ya hayo utaweza kutafuta kwa urahisi, bidhaa, makala au bidhaa mbazo zimesha linganishwa kwa urahisi kupitia sehemu ya kutafuta.
Pia unaweza kuona bidhaa mbalimbali kulingana na brand mbalimbali ambazo ni maarufu.
Pamoja na yote hayo ambayo yana onyesha kama hatuangalii zaidi makala ambazo hawali zilikuwa ndio chanzo kikuu cha tovuti hii bado kipengele cha makala kinapatikana na habari, na maujanja yote ya sasa na zamani yanapatikana.
Mbali ya yote muonekano wa giza pia unapatikana kwenye app mpya ya Tanzania tech ili kuwezesha kutumia app hii muda wote unapotaka iwe usiku au hata mchana.
Na huo ndio muonekano mpya wa app ya Tanzania Tech, kama unataka kujua zaidi kuhusu app yetu unaweza kupakua kupitia Play Store hapo chini, Kwa watumiaji wa iOS toleo hili litapatikana hivi karibuni kupitia App Store.
Toa maoni yako unaonaje app hii na unadhani ni sehemu gani ambayo pengine inahitaji maboresho..?
