Google kupitia idara yake ya muziki inayo julikana kama Chrome Music Lab, mwaka huu 2018 imezindua Song Maker njia nyingine rahisi ya kutengeneza muziki kupitia kifaa chako iwe ni simu, kompyuta au hata tablet njia hii ni rahisi kutumia na inafurahisha na unaweza kutengeneza muziki bora.
Song Maker hufanya kazi kama ifuatavyo, unachotakiwa kufanya ni kuweka alama za rangi kwenye kila kichumba kwa mpangilio fulani, huku pia ukiweza kubadilisha ala za muziki mbalimbali na baadae muziki utaweza kuundwa bila hata wewe kuingia studio au kutumia kazi kubwa. Kizuri ni kuwa unaweza kushiriki ulicho tengeneza na mtu yoyote na haya yote yanafanyika bila ku-login au kutengeneza akaunti yoyote.
Unaweza kuanza kutengeneza muziki wako kwa kuingia kwenye tovuti hapo chini kisha tengeneza muziki unao upenda kisha shiriki na marafiki zako, pengine hii itakusaidia utakuwa umepata njia rahisi ya kufanya mazoezi ya muziki na kukusaidia kufanikiwa kimuziki.
