in ,

Hizi Hapa Sifa za Kuangalia Unapo Nunua Laptop (2021)

Hizi hapa sifa za muhimu ambazo unahitaji kwenye laptop yako

Hizi Hapa Sifa za Kuangalia Unapo Nunua Laptop (2021)
©techcastle.com

Ni wazi kuwa ushakutana na ushauri mwingi sana unapotaka kununua laptop, lakini ukweli ni kwamba kila mtu ana pendekezo lake hasa kulingana na kazi au hitaji lake ikiwa pamoja na uwezo wa kumudu bei.

Sasa kuliona hili leo nimeona nikuletee makala ya tofauti ambayo naamini haita kuchosha ambayo itakusaidia sana kuweza kupata laptop bora na ambayo itadumu kwa muda mrefu.

Tofauti na makala nyingine ambazo umewahi kusoma, makala hii ina angazia zaidi kwenye sifa ambazo unahitaji kwenye laptop yako, iwe laptop kwa ajili ya kazi au laptop ya matumizi mengine. Bila kuendelea kupoteza muda wako zaidi moja kwa moja kwenye makala hii

Sifa za Kuangalia Unapo Nunua Laptop

Kwa kuanza kama hutaki kusoma maelezo ya muhimu na kama huna muda mwingi unaweza kuishia hapa (kwenye picha) kwa kusoma sifa hizi ambazo unahitaji kwenye laptop yako.

Hakikisha laptop unayotaka kununua inakuja na sifa zifuatazo au zaidi ya hapa lakini ni muhimu kuhakikisha sio chini ya hapa.

Hizi Hapa Sifa za Kuangalia Unapo Nunua Laptop (2021)

Processor

Hakikisha Laptop ina Processor ya Intel Core i5, Intel Core i7 au AMD Ryzen 5 / 7 au zaidi ya hapa. Hakikisha haununui laptop yoyote yenye processor ya intel Pentium na Intel Celeron maana hizi zinakua na uwezo mdogo sana na pia kwa sasa programu nyingi hazikubali kwenye laptop zenye processor hizi

Hizi Hapa Sifa za Kuangalia Unapo Nunua Laptop (2021)

RAM

Hakikisha laptop unayotaka kununua inakuja na RAM isiyo pungua GB 8 na kuendelea, hii ni muhimu kwani ukubwa wa RAM ufananishwa na uwezo wa processor hivyo laptop zenye uwezo mkubwa wa RAM huwa na uwezo mkubwa wa Processor. Unaweza kuongeza RAM baaae lakini ni muhimu kuangalia RAM inayokuja na laptop kwanza.

Uhifadhi wa Ndani

Kama unataka kununua laptop yenye uwezo mzuri wa kudumu kwa muda mrefu bila kufikiria hasara ya kupoteza vitu vyako baadae, basi ni muhimu kununua laptop yenye mfumo wa uhifadhi wa SSD na sio HDD. Unaweza kusoma tofauti ya HDD na SSD hapo chini, lakini ni muhimu kujua kuwa SSD inauwezo mkubwa wa kufanya kazi kwa haraka na kudumu zaidi kwa muda mrefu kuliko HDD.

Ports / Viunganishi

Kwa kuwa hapa kwetu Tanzania bado baadhi ya vitu vipo slow, ni wazi kuwa HDMI kwa sasa ndio moja kati ya port ambayo ni muhimu sana. Hii itakusaidia kuunganisha vitu kama TV au Monitor nyingine na hii ni muhimu sana. Lakini kama unaweza ni vizuri kuangalia laptop yenye USB-C au Thunder bolt hii itakusaidia sana hapo baadae kwani huko ndipo tunapo kwenda.

Graphics

Kama unataka laptop kwa ajili ya kazi za kuedit picha na video basi ni muhimu kuzingatia zaidi processor na Graphics. Kwa upande wa Graphics ni vyema kuangalia laptop yenye dedicated graphics card, unaweza kuangalia graphics za MX 250, GTX 1650 au RTX 2060 au zaidi. Kama kazi zako ni za kawaida graphics sio ya muhimu sana.

Battery

Nimeacha battery ya mwisho kabisa kutokana na kuwa huwezi kujua kiwango halisi cha battery mpaka utumie laptop husika. Kuna tofauti kati ya kiwango cha kudumu battery kinacho andikwa kwenye sifa na kiwango ambacho utakipata wakati unatumia laptop husika. Hii ni kutokana na kuwa matumizi hutofautiana. Hivyo basi ni muhimu kuwa na laptop yenye battery kubwa lakini hii haina maana kuwa itadumu na chaji kwa muda mrefu zaidi.

Hitimisho

Kifupi kabisa ni vizuri kufahamu kununua laptop kunatokana na bajeti ya mtu aliyo nayo, ikiwa pamoja na aina ya kazi ambayo anataka laptop hiyo ifanye hivyo ni muhimu sana kuzingatia hayo kabla ya kununua laptop unayo hitaji.

Kitu kingine kuna picha hapo juu yenye herufi Y – U – H, kama unataka kujua nini maana ya herufi hizo na kwanini ni muhimu kufahamu unapotaka kununua laptop basi unaweza kusoma hapa makala yenye kuelezea kwanini ni muhimu kuangalia herufi hizo unapotaka kununua laptop kwaajili ya kazi yoyote..

Kama unataka kujifunza zaidi hakiksha una Subscribe kwenye channel yetu ya YouTube hapa.

Angalia Status za Mtu WhatsApp Bila Mtu Kujua (Kuona)

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.