in ,

Apps (7) za Muhimu Kuwa Nazo Kwenye Android TV (2022)

Apps hizi zitakusaidia kuweza kutumia TV yako ya Android kwa urahisi

Apps (7) za Muhimu Kuwa Nazo Kwenye Android TV (2022)
©frandroid.com

Ni kweli kwamba hizi Android TV zimekuwa zinapatikana kwa bei rahisi sana kiasi kwamba unaweza kupata Android TV kuanzia TZS 300,000 na kuendelea. Anyway, kuhusu bei tufanye hii ni mada ya siku nyingine.

Kwa siku ya leo ningependa ufahamu apps za muhimu kuwa nazo kwenye Android TV yoyote, Apps hizi ni muhimu kwa kuwa zitaweza kusaidia sana kufanya mambo kwa urahisi na haraka hivyo kwa maoni yangu naona ni muhimu kwa mtu yoyote mwenye Android TV kuwa nazo kwenye TV yake.

Install Android App
Price: Free
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot

App Muhimu Kuwepo Kwenye Android TV Yoyote

Kwa kuanza ni vizuri kujua kuwa unaweza kudownload apps hizi kupitia link chini ya maelezo ya kila app, pia baadhi ya apps hizi zinapatikana kwenye soko la Play Store ndani ya TV yako, lakini pia baadhi ya apps ni lazima kutumia apk. Basi kwa kusema hayo twende tuka angalie app ya kwanza.

Bluetooth Settings

Apps (7) za Muhimu Kuwa Nazo Kwenye Android TV (2022)

Moja kati ya sehemu ambayo usumbua sana kwenye TV za Android ni pamoja na sehemu ya Bluetooth. Ni vizuri ufahamu kuwa TV nyingi zinakuja zikiwa hazina sehemu ya kuzima Bluetooth hii ni kwa sababu uhitaji wa Bluetooth ni mkubwa sana kwenye TV hizi.

Kupitia App ya Bluetooth Settings unaweza kuongeza kipengele ambacho kitakusaidia kuzima bluetooth ikiwa pamoja na kufanya settings mbalimbali kwenye sehemu ya Bluetooth ili kuongeza usalama zaidi na usumbufu wa mtu kuunganisha Bluetooth kwenye TV yako bila ruhusa.

Download App Hapa

Nova Video Player

Apps (7) za Muhimu Kuwa Nazo Kwenye Android TV (2022)

Ni wazi kuwa Android TV zote zinakuja na Video Player lakini ukweli nakwambia hakuna Video Player ambayo itazidi hii Nova Video Player. App hii inakuja na muonekano mzuri sana na uwezo wa kupanga movie yenyewe bila kutumia Internet.

Mbali na hayo utaweza kutafuta subtitle ya movie yoyote online kwa urahisi bila kutumia app nyingine yoyote, pia app hii itaweza kuchagua ni movie gani uangalie bila kutumia Internet. Ukweli ni kwamba hii ni app muhimu sana kwenye TV yako yenye kutumia mfumo wa Android.

Download App Hapa

Send files to TV

Apps (7) za Muhimu Kuwa Nazo Kwenye Android TV (2022)

Kama umekuwa ukitaka kutuma kitu chochote kutoka kwenye simu yako kwenda kwenye TV yako basi Send files to TV ni app muhimu kuwepo kwenye TV yako. Najua kuna wakati unataka kutumia APK kutoka kwenye simu yako kwenda kwenye TV yako ya Android hivyo hapa ni muhimu kutumia app hii. App hii ni muhimu sana, niamini utahitaji kuwepo nayo hapo baadae.

Unaweza kuangalia Video hapa kujua jinsi ya kutumia app hii kupitia simu yako pamoja na kwenye TV yako ya Android.

Download App Hapa

Puffin For Android TV

Apps (7) za Muhimu Kuwa Nazo Kwenye Android TV (2022)

TV zote za Android zinakuja na browser lakini ni wazi kuwa browser hizo zinakuja na uwezo mdogo wa kufungua kurasa mbalimbali, hii ni kwa sababu app nyingi za browser zinazokuja na TV zina muundo mbaya na hivyo kufanya kazi ya kufungua kurasa mbalimbali mtandaoni kuwa ngumu sana. Mbali na hayo pia zingine huja na lugha ambazo sio kingereza.

Kupitia Puffin Browser for TV utaweza kufungua kurasa mbalimbali kwa urahisi na haraka na pia utaweza kutumia apps mbalimbali kwa urahisi moja kwa moja kwenye browser hii.

Uzuri ni kuwa app hii inapatikana kwenye soko la Play Store la Android TV hivyo utaweza kupata kwa app hii kwa kutafuta jina la app hii kwa urahisi kwenye TV yako kupitia Play Store.

Download App Hapa

FX File Explorer

Apps (7) za Muhimu Kuwa Nazo Kwenye Android TV (2022)

Ni wazi kuwa unapokuwa unatumia TV ya Android ni lazima kuwa na file manager, moja kati ya app ambayo naweza kushauri utumie kwenye TV yako ni FX File Explorer. App hii ni bora kwa kuwa haina matangazo na itakusaidia sana hasa pale unapo hitaji kutafuta aina fulani ya mafaili ya muhimu uliyotuma au kudownload kwenye TV yako.

Kizuri zaidi kuhusu app hii ni kuwa app hii haina matangazo kabisa hivyo unaweza kutumia bila kuwa na wasiwasi wa kupata matangazo mengi hasa pale unapo unganisha TV yako na Internet.

Download App Hapa

Aptoide TV

Apps (7) za Muhimu Kuwa Nazo Kwenye Android TV (2022)

Ukweli ni kwamba asilimia kubwa ya apps ambazo nimezitaja hapo juu hazipo kwenye soko la Play Store la Android TV, lakini asante kwa Aptoide TV sasa unaweza kupata apps nyingi zaidi kwenye TV yako. Aptoide TV ni soko la Apps kama ilivyo Play Store, lakini soko la Aptoide TV linakuja na apps nyingi zaidi

Utaweza kupata apps nyingi zaidi kwenye soko hilo ikiwa pamoja na urahisi wa kudownload na kuinstall moja kwa moja kwenye TV yako.

Download App Hapa

TV Usage

Apps (7) za Muhimu Kuwa Nazo Kwenye Android TV (2022)

App ya mwisho kwenye list hii ni TV usage, app hii ni nzuri sana kama unao watoto nyumbani ambao unataka kuwazuia wasi angalie TV kupitiliza au app fulani. App hii ina uwezo wa kufunga app fulani kwa password, pia unaweza kuzuia muda ambao unataka mtu aweze kutumia TV husika.

Mbali na yote pia unaweza kuona matumizi ya apps mbalimbali kwenye TV yako ikiwa pamoja na ripoti ya siku jinsi TV yako ilivyo tumika ikiwa na apps gani imetumika na kwa muda gani. Kama unao watoto nyumbani basi app hii ni muhimu kuwa nayo kwenye TV yako.

Download App Hapa

Hitimisho

Kwa leo hizo ndio apps ambazo ni muhimu kuwa nazo kwenye TV yako ya Android. Kumbuka kuwa unaweza kudownload apps hizi moja kwa moja kupitia link kwenye mwisho ya maelezo ya kila app.

Kama unataka kujifunza zaidi kuhusu apps moja kwa moja unaweza kusoma hapa kujua apps ambazo zinaweza kufanya simu yako kuwa janja zaidi. Kwa makala zaidi kama hizi hakikisha unaendelea kutembelea Tanzania Tech kila siku, pia subscriber kupitia channel yetu ya YouTube hapa kama unataka kujifunza maujanja mbalimbali kwa vitendo.

Apps (7) za Muhimu Kuwa Nazo Kwenye Android TV (2022)
Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Hizi Hapa Browser Bora Zenye Mfumo wa Akili Bandia (AI)

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.