Instagram ni moja kati ya mtandao ambao kwa sasa ni sehemu muhimu sana ya kutafuta masoko kwa kampuni yoyote au biashara yoyote binafsi. Siku chache zilizopita tulizingumzia njia ya kutengeneza matangazo bora ambayo yanaweza kusaidia kupata wateja zaidi kupitia mtandao wa Instagram.
Lakini pamoja na hayo, kutengeneza matangazo bora pekee haitoshi kwani watu wengi hutumia pesa na muda zaidi kubuni matangazo ambayo pengine ni bora kuliko yako, sasa je unafanyaje.?
✳✷ ???? ???????????????? ???????? ???????????????????????????????? ???????????????????????????????? ???????????????????????? ????????????????????????????????. ???? ✷✳
Kama unavyoweza kuona hapo juu, jibu lako ili kupata likes nyingi kwenye akaunti yako ya Instagram ni kutumia font za tofauti ambazo zitafanya watu wasome zaidi ulichoandika kutokana na utofauti wake wa muonekano.
Kupitia makala hii, leo nakuletea njia rahisi ambayo unaweza kutumia ili kuandika mwandiko au font ya tofauti kwenye akaunti yako ya Instagram. Hii inaweza kuwa kwenye Bio au kwenye sehemu yoyote ambayo unataka wateja wako wasome zaidi ulicho andika.
Kama kawaida, post hii sio ndefu sana na haina hatua nyingi kwani unachotakiwa kufanya hadi sasa ni kupakua app kupitia link hapo chini, kisha moja kwa moja install app hiyo kwenye simu yako na moja kwa moja endelea kwenye hatua hapo chini.
Andika maneno kwenye sehemu hii ya kuandika kama inavyo onekana kwenye picha hapo chini.
Baada ya kumaliza kuandika, bofya aina ya mwandiko unaohitaji, unaweza kufanya hivyo kwa kuchagua kutoka kwenye list ya miandiko au font mbalimbali.
Baada ya kubofya itatokea sehemu ya ku-copy, bofya sehemu hiyo moja kwa moja kuweza ku-copy muandiko huo kwenye clipboard.
Fungua akaunti yako ya Instagram kisha chagua sehemu ambayo unataka ku-edit font kisha moja kwa moja shikilia sehemu hiyo kwa sekunde cheche na utaona sehemu ya paste imetokea bofya hapo kuweka font hiyo kwenye sehemu unayo hitaji.
Baada ya kubofya paste moja kwa moja utaweza kuona sehemu ya maneno yenye font ya tofauti yakiwa yamekweka kwenye sehemu unayotaka, sehemu hiyo itaweza kuonakana kama hapo chini.
Kwa kufuata hatua zote hizo utakuwa umeweza kuweka mwandiko au font ya tofauti kwenye akaunti yako ya Instagram, unaweza kutumia mtindo huu kupitia sehemu ya Bio au sehemu ya maelezo au caption kwenye post moja.
Kama unataka kujifunza zaidi kuhusu font, unaweza kusoma hapa kujua jinsi ya kubadilisha font kwenye simu yako ya TECNO na Samsung hapa.
