in

Apps Nzuri za Kujaribu Kwenye Simu Yako ya Android (2021)

Jaribu app hizi za Android kwenye simu yako kurahisha kazi mbalimbali

Apps Nzuri za Kujaribu Kwenye Simu Yako ya Android (2021)

Umepita muda mrefu kidogo toka tujadili kuhusu app nzuri za kujaribu kwenye simu yako ya Android, lakini leo nimeona nikuletee list ya app hizi chache ambazo naamini zinaweza kusaidia kufanya mambo mbalimbali kwa urahisi kwenye simu yako ya Android.

Basi bila kuendelea kupoteza muda zaidi basi moja kwa moja twende kwenye list hii, kumbuka kuwa unaweza kupakua app zilizo tajwa kwenye list hii kwa kubofya jina la app husika.

FilmPlus

Apps Nzuri za Kujaribu Kwenye Simu Yako ya Android (2021)

Kama wewe ni mpenzi wa movie na ungependa kudownload Movie moja kwa moja kupitia simu yako ya mkononi ya Android basi app ya FilmPlus ni app bora sana kwako, kupitia app hii utaweza kudownload movie zote mpya kwa urahisi na haraka, app hii ni rahisi kutumia na utapata movie yoyote ile unayotaka ikiwa pamoja na series mpya.

Download App Hapa

Notepin

Apps Nzuri za Kujaribu Kwenye Simu Yako ya Android (2021)

Notepin ni app nzuri sana ambayo itakusaidia kuweza kukumbuka mambo mbalimbali kwa urahisi na haraka, app hii inakupa nafasi ya kuweza kutengeneza Notes na kuziweka kwenye sehemu ya juu ya notification kwenye simu yako na kila unapfungua sehemu hiyo utaweza kuona Notes hizo na hivyo kukumbuka ulichokuwa unataka kufanya.

Download App Hapa

Assistive Touch

Assistive Touch ni app nyingine nzuri ambayo itakusaidia kufanya mambo kwa haraka kwenye simu yako ya Android. App hii inakuja na shortcut kama ile inayo patikana kwenye iPhone ambayo itakusaidia kufanya mambo kwa haraka kama vile kuwasha tochi, kufungua app mbalimbali na mambo mengine mbalimbali.

Download App Hapa

Walldrobe

Apps Nzuri za Kujaribu Kwenye Simu Yako ya Android (2021)

Walldrobe - Wallpapers

Kama unapenda kubadilisha muonekano wa simu yako kwa kutumia wallpaper basi app hii ni nzuri sana kwako. App hii inakuja na mkusanyiko wa wallpaper mbalimbali ambazo unaweza kutumia kwenye simu yako ya Android kwa haraka na urahisi.

Download App Hapa

24/7 Voice Recorder

Kama wewe ni mtu ambaye unapenda kuweka kumbukumbu ya siku yako nzima jinsi ilivyokuwa basi jaribu app hii ya 24/7 Voice Recorder. App hii inakupa nafasi ya kurekodi kwa masaa 24 yaani siku nzima huku ikigawanyisha rekodi hizo kwa masaa. App hii ni nzuri kama unataka kuweka kumbumbu ya vitu vyako binafsi ambavyo umekuwa ukifanya kila siku.

Download App Hapa

SHEROES

App nyingine kwenye list hii inahusu sana wanawake, app hii ni mtandao wa kijamii ambao ni maalum kwaajii ya wanawake. App hii inaonekana kupendwa na watu wengi sana. Kama wewe ni mwanamke basi unaweza kujaribu mtandao mpya wa kijamii kwa ajili yako.

Download App Hapa

Ad Maker

Ni wazi kuwa kwa sasa hakuna biashara inaweza kwenda bila kufanya matangazo na kama wewe ni mmoja wa watu ambao wanataka kitengeneza tangazo bora ambalo unaweza kulitumia kwenye mitandao ya kijamii kama Facebook, Instagram na mitandao mingine basi app hii ya Ad Maker ni app bora sana kwako. App hii inakupa uwezo wa kutengeneza matangazo kwa urahisi na haraka kwa kutumia simu yako ya Android.

Download App Hapa

Gazeti Lite

Gazeti Lite ni app itakayokupa uwezo wa kusoma Magazeti ya leo pamoja na habari mbalimbali kwa urahisi kutoka tovuti mbalimbali bila kutumia Internet, Mbali ya kuwa unaweza kusoma habari kupitia tovuti mbalimbali pia utaweza kupata habari kutoka akaunti za mitandao ya kijamii kama Instagram na Facebook. Pia utaweza kuchangia mada na mijadala mbalimbali kutoka Jamii Forums.

Download App Hapa

Tanzania Tech

Kama unataka kupata habari zote hizi kupitia simu yako ya mkononi basi app ya Tanzania tech. App hii ni rahisi kutumia na unaweza kupata habari zote za teknolojia kutoka Tanzania Tech kwa urahisi na haraka.

Download App Hapa

Na hizo ndio apps nzuri nilizo kuandalia kwa siku ya leo. Kama unataka kujua apps nyingine nzuri, unaweza kusoma hapa kujua apps nzuri zitakazo kusaidia kuangalia mechi za EUFA kupitia simu yako ya mkononi.

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.

3 Comments