in

WhatsApp Kuja na Njia Mpya ya Kusaidia Kubadilisha Namba

Sasa utaweza kuchagua kuwapa taarifa watumiaji pale unapo badilisha namba

WhatsApp kubadilisha namba

Mtandao maarufu wa WhatsApp kwa sasa unafanya majaribio ya sehemu mpya ambayo itakusaidia kuweza kubadilisha namba kwa urahisi tofauti na hapo awali. Sehemu hiyo itakuruhusu kuweza kubadilisha namba ikiwa pamoja na kukupa uwezo wa kutoa taarifa kwa watu kwamba umebadilisha namba.

Sehemu hiyo ambayo bado iko kwenye majaribio kwenye programu ya WhatsApp Beta, itakupa uwezo wa kuchagua kama unataka kutaarifu watu wote kwenye kitabu chako cha majina ndani ya programu ya WhatsApp au kama unataka kumpa taarifa mtu mmoja.

Install Android App
Price: Free
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot
  • Nyimbo Mpya Screenshot

Hata hivyo sehemu hiyo mpya itakupa uwezo wa kurudisha meseji zako zote ambazo ulikuwa unachati hata kabla ya kubadilisha namba, huku meseji mpya zikitokea na kuonyesha kuwa mtumiaji amebadilisha namba.

Sehemu hii ni moja kati ya sehemu muhimu sana hasa kwa wale wanao tumia WhatsApp ya Biashara kwani itasaidia pale unapotaka kubadilisha namba utaweza kuwapa taarifa wateja wako na hii itasaidia sana kutokupoteza wateja wako pale unapo badilisha namba.

Kwa sasa sehemu hii bado iko kwenye majaribio, endelea kutembelea Tanzania Tech tutakujuza zaidi pindi sehemu hii itakapo fika kupitia programu yako ya WhatsApp.

WhatsApp Kuja na Njia Mpya ya Kusaidia Kubadilisha Namba
Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Apps Muhimu kwaajili ya Mwezi wa Ramadhani (2024)

Written by Amani Joseph

Tanzania Tech tumejikita kuhakikisha hupitwi na habari yoyote ya teknolojia, endelea kuwa nasi tufuate kwenye mitandao ya kijamii.

Toa Maoni Hapa

Kumbuka ni Muhimu Kuandika Jina Halisi na Barua Pepe, Vigezo na Masharti Kuzingatiwa.